【今年睇怕都搞唔成分享會，不如電影包場見！】
舊年呢邊有超乎想像咁多讀者參加，今年都Post埋呢邊啦。講返個背景，今年係 晞。觀影記事 成立嘅13週年，係我最初寫Blog始祖。冇「晞。觀影記事」，亦都唔會有「迷。忘於澳洲360天」，更唔會出現今日嘅「有故事的旅人」，大家都唔會睇到疫情前咁多旅遊文。
雖然運作上，我兩邊都係分開咁出文，但本質上，我都係當一個網頁咁樣run。喺呢個大日子，我都想「有故事的旅人」嘅讀者，賞面一齊嚟參加我呢個生日會。
‼️首先，唔理你嚟唔嚟到，請俾個like甚至share出去，俾多啲人知道！Like完當然最好參加埋啦
‼️一如往年，我會喺俾錢前，達到座位50%人數，活動先會進行。如果喺6月24日前達唔到171人（呢個幾乎係舊年總人數🥲），活動就唔會搞落去。如果搞唔成，已付款項會喺14日內全數退回（詳情請睇下面）－－我希望唔駛。
🥷🏻《#黑寡婦》超巨幕版包場詳情：
📅日期：2021年7月7日（星期三）
⏰時間：21:40（片長134分鐘）
📍地點：海運戲院
💰票價：$100/位；Patreon用戶$70/位（每個Patreon用戶最多限購4張）（歡迎俾多當課金）
👫🏻名額：342位
👔Dress code：冇，但你鍾意扮黑寡婦又好扮鷹眼又好扮咩都好，好似舊年果幾位炒熱個場我會多謝你
🎞️內容：小弟講兩句+電影放映，有冇咩嘢送待定
🎟️座位安排：
- 公平起見，即場先劃位。早入場，早揀位。要正中靠後靚位建議早啲到！
- 此場次不設D-BOX座位
- 由於疫情關係，戲院只售75%位，到時以四個位一組，最前兩行會Block起
- 需要跟從戲院指示入場，包括填紙仔或掃碼、量體溫、觀影時全程戴口罩、院內嚴禁飲食等等。因違反戲院入場守則而不予入場，或被請出場均不設退款。
💳付款方式：
- payme付款－－
網址版：https://payme.hsbc/jackyhei
QR code版：https://bit.ly/3a9wOzy
- 如需用銀行入數或FPS付款方式，請inbox查詢。
- Paypal：不建議‼️如果要用，連手續費每位票價為$120。paypal.me/jackyhei
‼️確認流程：
- 請俾完錢後將payme/入數/FPS/paypal付款確認信息cap圖或影相，立即喺Facebook或Instagram inbox我，並提供以下信息：
1️⃣ 寫明「13週年包場」
2️⃣ 你個Facebook/ IG名（Patreon請列明用户名稱）
3️⃣ 戲飛數量
4️⃣ 一如舊年，我唔介意你俾多當課金，但為免誤會，如果你課金，請加句「有多當課金」
- 我會喺你inbox信息發出24小時內回覆你一個確認號碼。有確認號碼方為成功參加，當日憑確認號碼入場。
- 萬一我24小時內真係冇覆你，麻煩講多次或留言話我知。
- 當日必須有確認號碼先可以入場❗所有付款後必須Inbox我，取得確認號碼❗
- 麻煩付款後喺呢個post下面留言已俾錢，in case message junk咗我對得返
🤡活動搞唔成／已爆滿的話點退款？
- 如果6月24日前活動達唔到目標人數，活動將會取消，所有款項會喺14日內全數退回
- 活動名額先到先得（以完成付款及成功取得確認號碼計）。若有幸滿座但你又已經比咗錢，你會一星期內收到退款
- 退款方式：你點俾錢我就點退錢（Payme就payme，入數就入數）
（重要❗重要❗）私人原因嚟唔到，或因發燒或身體原因戲院唔俾你入場，不設退款‼️
❓當日有突發事件點算❓
如果發生以下情況，我會喺活動當日14日內全數退回相關款項，兼喺Facebook/ IG/ Blog公佈相關事宜
- 戲院因各項原因暫停營業，或者技術問題套戲唔可以播放
- 遇上極端天氣如八號風球、黑色暴雨，但戲院冇停業嘅話，活動都會照去而不作退款
後記：
以上條款，我基本上都係用返舊年果段，睇返舊年，原來我講過，只要12週年搞得成，我一定會搞13週年。舊年夾盡天時地利人和，反應之好係我從來冇想像過。今年仲要比舊年多一倍人，我唔敢奢望可以打得爆個場，希望都唔駛蝕太多。都係果句啦，唔好又話咩留位但唔俾錢住，大家成年人喇，唔好走數啦唔該。如果唔介意嘅，搵多啲朋友睇，幫我撐爆個場啦。
同樣地，呢次唔係平時分享會，book個hall或間cafe，就算唔爆我可能都係蝕幾百一千，依家講緊係一間戲院，人數仲要玩得大過舊年，走數或者反應不似預期，我蝕嘅係幾千一萬。
預先感謝每位肯支持嘅朋友，我會努力試吓R下有冇咩禮品或者咩嘢送，希望舊年嘅「意外」唔會出現，都希望會有舊年嘅「驚喜」出現，但唔擔保呀吓。
希望搞得成，多謝各位喇🙇🏻
Search